طريقة عمل البطاطس باللحم
ليس ثمة شيء يفتح الشهية مثل هذه الوصفة الفاخرة، يسرنا ان نقدم لكم وصفة طريقة عمل البطاطس باللحم، التي تزودنا بالطاقة والكروهيدرات اللازمة للجسم بطريقة سهلة، وأتمنى أن تنال إعجابكم.
 |
| طريقة عمل البطاطس باللحم |
مقادير عمل البطاطس باللحم
- بطاطس مناسبة لحجم الصينيه.
- لحمة.
- عصير طماطم.
- بصل.
- توم.
- ملح.
- فلفل.
- بابريكا.
- زيت ذرة وزبدة.
- فلفله حاره.
طريقة تحضير البطاطس باللحم
- أول حاجة غسلت اللحمة وبشرت عليها بصله وحطيتها في المصفاه البصله المبشورة بتدي للحمة مزاق جميل.
- هنقطع البطاطس بسمك مناسب لا سميكه ولا رقيقه.
- هنعصر الطماطم في الخلاط مع إضافة الفلفل الحار والبابريكا ورشة سكر لمعادلة حموضة الطماطم.
- هنتبل البطاطس بالملح والفلفل والبصل والتوم وتكتي بقي اللي فرقت في الطعم جدا هي البصل.
- دقيته مع التوم في الهون أه والله لغاية ماخرجت منه كل العصارة اللذيذة.
- بجد الهون ده إختراع والنكهه فيه بتكون مركزة.
- في صينيه مناسبة نبتدي في رص حاجتنا.
- أنا بحب أحط اللحمة تحت والبطاطس من حواليها من جميع الجهات علشان متتهريش مني وتتحمر وتبقي جميله.
- بعد كده عصير الطماطم ومعلقه زبدة أو سمنة وزيها زيت.
- وندخلها في فرن ساخن لغاية ماتستوي وشمي أحلي ريحه.
وقد بذلنا جهدنا في إعداد هذه الطريقة، لكي تتسنى لكم إعدادها بأسهل الطرق وأيسر المكونات.
تعليقات
إرسال تعليق